يا شيخ خليت البلد كلها ابعزيه
الكاتب :
الملا زكي عبد الرسول آل مدن
يا شيخ خليت البلد كلها ابعزيه
كلمن ينادي راح خادم للزچيه
كلمن ينادي راح عنّا شيخ عباس
خادم العترة الطاهرة وطيب الأنفاس
كلنا على فقدك يا غالي انصعّد الأنفاس
والدمع جاري والقلب زايد شچيه
حسرة ولوعة بالقلب وأحزان وهموم
منبرك خالي ولا نشاهد شخصك اليوم
تذكر أيام اللّي مضت تنعى المظلوم
تذكر مصابه في طفوف الغاضريه
تذكر مصاب حسين من فوق المنابر
في كل بلد ياشيخنا اتقيم الشعائر
وتصيح لحسين انذبح في يوم عاشر
ومن بعد ذبحه رضضه الأعوجيه
صوتك شجي وبنعيك اتموج المآتم
معروف عنك بالشجى يا خير خادم
فقدك دهانا وخلّى دمع العين ساجم
مثلك نجيبه امنين ويبچي الرعيه
لكن يا بو فاضل يمحبوب الموالين
نومة هنيه والشفيعه أم حسن وحسين
ما خاب خادمها وخادم هالميامين
ابشر بيوم الملحمة بجنة علية
اتوسل إلينا يا عزيزي ابيوم لوقوف
يوم الذي توقف الأمه اصفوفٍ صفوف
هذا بتخت عالي وهذا ابدمع مذروف
وانته مكانك جانب احسين الشفيه
نشر :
إضافة تعليق جديد